ڕزگاربووانی ئێزیدی رەتیدەکەنەوە مامەڵەی هاوژینەکانی بەغدادی لەگەڵیان باشبووبێت و رایدەگەیەنن، بارمتەی بەغدادی و بەشێک لە سەرکردەکانی ڕێکخراوەکە بوون و هاوژینەکانیشی لە ژنە ئێزیدییەکانی داوەو خراپ بوون لەگەڵمان.
کەناڵەکانی عەرەبی و حەدەس لەزنجیرەیەک چاوپێکەوتنی کەلەدووبەش پێکهاتبوو تایبەت بە رزگاربووانی ئێزیدی لەدەستی داعش ئەنجامدرا لەو چاوپێکەوتنەدا دیلەکان وەڵامی ئەو تۆمەتانە دەدەنەوە کە تیایدا هاوژینەکانی بەغدادی و کچەکەی گێڕانەوەیان بۆ کردووە، رەتیدەکەنەوە مامەڵەی هاوژینەکانی بەغدادی لەگەڵیان باشبووبێ و دەڵێن، مامەڵەی توندیان لەگەڵ کراوە و دەستدرێژییان کراوەتە سەر.
لە چاوپێکەوتنەکەدا ئەشواق حاجی حەمید، ڕزگاربوویەکی دیکەی ئێزیدی، وردەکاری ڕفاندنی لەلایەن ئەندامانی داعشەوە ئاشکرادەکات، هەروەها باسی لە دەستگیرکردنی خوشکەکەی کرد لەلایەن داعشەوە کەتەمەنی خوشکەکەی نۆ ساڵان بووە، دەڵێت، بەغدادی دەستدرێژی کردۆتە سەر ژنە ئێزیدیەکان و مامەڵەی کڕین و فرۆشتنی پێوە کردوون، هاوژینەکەیشی لە ژنە ئێزیدیەکان داوە و مامەڵەی خراپی لەگەڵدا کردوون.
ئەشواق هەروەها باس لە وردەکاری پلانەکەی بۆ هەڵهاتن لە دەستی ڕێکخراوەکە دەکات و رایگەیاند، خۆی کردۆتە نەخۆش و گەیاندوویانەتە نەخۆشخانەیەکی نەینەوا، لەوێ توانیویەتی حەبێکی خەوتن ببات و دواتر بیخاتە ناو خواردن بۆ ئەندامانی ڕێکخراوەکە تا بتوانێت ڕزگاری بێت.
هاوکات لە چاوپێکەوتنەکەدا، رزگاربوویەکی دیکە بەناوی سوعاد حەمید، سەبارەت بە مامەڵەی باشی هاوژینەکانی بەغدادی لەگەڵ ژنە دیلەکانی ئێزدی دوپاتیدەکاتەوە هاوژینی یەکەمی بەغدادی ووتەکانی راست نین تەنانەت ئاگاداری فرۆشتنی ئافرەتە دیلەکان بووە .
هەروەها سوعاد ئاشکراشیکردووە، خێزانەکەی سوعاد ناچاربووە ٤٠ هەزار دۆلار وەک فیدیە بدەن بۆ ئازادکردنی. لەلایەکی دیکەوە حاجی حەمید تەعلوو، یەکێکە لە پارێزەرانی ڕزگاربووانی ئێزیدی، ئاشکرایکرد، بۆ یەکەمجار زانیویەتی کچەکەی لەلایەن بەغدادیەوە گیراوە، لەڕێگەی چاوپێکەوتنەکەی هاژینەکانی بەغدادیەوە لە کەناڵی عەرەبییە، هەروەها وردەکارییەکانی چۆنیەتی دەستگیرکردنی ئەندامانی ڕێکخراوەکەشی ڕوونکردەوە، لەنێویاندا دوو کچەکەی کە تەمەنیان دە ساڵ بووە.
تەعلوو باسی لەوەشکرد، 220 هەزار دۆلاری داوە بۆ ئازادکردنی خێزانەکەی لەڕێگەی قاچاخچی و نێوەندگرەکانەوە، نووسینگەکانی ئازادکردنی بارمتەکان لە دهۆک، هەروەها وردەکارییەکانی پەنابردنی ڕێکخراوە توندڕەوەکەی بۆ منداڵان و پێدانی مادەی هۆشبەر بە مەبەستی جێبەجێکردنی فەرمانەکانی سەرکردەکانی ڕێکخراوەکە.
لە بەشی دووەمی زنجیرە چاوپێکەوتنەکاندا، ڕزگاربووانی ئێزیدی بەردەوامن لە قسەکردن لەسەر پشت پەردەی داعش، نهێنییەکانی ماڵی سەرکردەکەی ئەبوبەکر بەغدادی و مامەڵەی دڕندانەی هاوژینەکانی لەگەڵیان ئاشکرا دەکەن.
ئەدیبە موراد، یەکێکە لە ڕزگاربووانی ئێزیدی، وردەکاری ڕفاندنەکەی لەکاتی دووگیانیدا ئاشکرا دەکات و دەڵێت، گواستراوەتەوە بۆ ناوچەی ڕەقە لە سوریا، هەروەها ئاشکرایکردووە کە مامەڵەکردن لەگەڵ دیلەکانی مێینە لەلایەن سەرکردەکانی ڕێکخراوەکەوە توندتر بووە لە مامەڵەی پیاوان،
ئەدیبە وردەکاری ئۆفەرەکەی بۆ فرۆشتن گێڕایەوە. ئەدیبە باسی لە ئیستغلالکردنی منداڵان لە لایەن ئەندامانی داعش و شێواز و شێوازەکانی دامەزراندنیان کرد.
هاوکات ڕۆزیتا حەجی، رزگاربووەیەکی دیکەی دەستی داعش هۆکارە ڕاستەقینەکانی دیلبوونی رونکردەوە، هەروەها ئازارەکانی بەدەست ئەشکەنجەدان لەلایەن ئەندامانی ڕێکخراوەکەوە، هەروەها باسی لە دەستدرێژیکردنەکەی کردووە لە منداڵیدا.
حەجی باسی لە ئازارەکانی ژنە دیلەکانی توندوتیژی داعش و خراپ مامەڵەکردنیان کرد، کار گەیشتە ئاستێک هەڕەشەی کوشتنیان لێبکرێت و لە ژوورە پڕ لە مێرووەکان زیندانیکردنیان، هەروەها ڕۆزیتا نائاساییترین خولیای داعشی ئاشکرا کرد، کە خولیای فرۆشتنی ژنە دیلەکانی ئێزیدییە بە ئەندامانی ڕێکخراوەکە. لە کۆتا بەشی چاوپێکەوتنەکەدا،
سەراب عیسا، یەکێک لە ڕزگاربووانی ئێزیدی ئاشکرایکردووە، ئەندامانی ڕێکخراوەکە ئەپڵیکەیشنەکانی وەک “واتسئەپ”یان بەکارهێناوە بۆ بازرگانیکردن بە دیلەکانی مێینە لە نێوان خۆیاندا، ئەمەش شتێکی هاوشێوەی دوکانێکی ئەلیکترۆنی کۆیلەیان دروستکردووە.
سەراب باسی لە خەونەکانی ڕێکخراوەکە کرد بۆ کۆنترۆڵکردنی جیهان و ئیرادەیان بۆ بەردەوامبوون لە شەڕکردن تا دوا هەناسە.
ئەم چاوپێکەوتنە دوای ئەوە دێت کە چەند هەفتەیەک لەمەوبەر لەلایەن کەناڵەکانی عەرەبیە و حەدەسەوە چاوپێکەوتنی لەگەڵ دوو .هاوژینەکەی بەغدادی و کچەکەی ئەنجامداوە
ئەمە لەکاتێکدایە ئەبوبەکربەغدادی، سەرۆکی ڕێکخراوی داعش، کە لە ساڵی 2014 ناوچەیەکی فراوانی عێراق و سوریای کۆنترۆڵکردبوو، لەو کاتەدا ناوی "خەلافەت"ی خۆی ڕاگەیاند و یاسا توندڕەوەکانیشی سەپاند، لە مانگی تشرینی یەکەمی ساڵی 2019 کوژرا، دوای ئەوەی ئەمەریکا چالاکییەکی ئۆپەراسیۆنی تایبەت لە پارێزگای ئیدلب لە باکووری ڕۆژئاوای سوریا ئەنجامدا.
ئەو ڕێکخراوە لە ساڵی 2017 شکستی هێنا کاتێک بەغدا سەرکەوتن و شکستی بەسەریدا ڕاگەیاند، بەڵام تائێستا بەشێک لە شانەکانی لە هەندێک ناوچەی جیادا چالاکن
https://www.facebook.com/share/p/CFk5VBP2GA3Kavm5/?mibextid=Nif5oz
54 جار خوێندراوه‌ته‌وه
