گوتەبێژی كۆمیسیۆنی باڵای سەربەخۆی هەڵبژاردنەكانی عێراق رایگەیاند، "رۆژی 10ی مانگی ئایار بۆ دەستپێكردنی بانگەشەی هەڵبژاردنی پەرلەمانی كوردستان دیارییكراوە، دەشڵێت، بڕیاری كۆتایش لەو بارەیەوە لەلای ئەنجوومەنی كۆمیسیارانە ".
جومانە غەلای، گوتەبێژی كۆمیسیۆنی باڵای سەربەخۆی هەڵبژاردنەكانی عێراق بە کورد تایمزی راگەیاند "بەگوێرەی خشتەی زەمەنی هەڵبژاردنی پەرلەمانی كوردستان رۆژی 10ی مانگی ئایار بانگەشەی هەڵبژاردن دەستپێدەكات و لە بەرواری 6ـی حوزەیران کۆتایی دێت".
ئاماژەی بەوەشکرد "بڕیاری كۆتایی لەبارەی دەستپێكردنی بانگەشەی هەڵبژاردنی پەرلەمانی كوردستان لەلای ئەنجوومەنی كۆمیسیارانی كۆمیسیۆنی هەڵبژاردنەكانی عێراقە".
وابڕیارە 10ی حوزەیرانی 2024، هەڵبژاردنی پەرلەمانی کوردستان بەڕێوەبچێت، بەبێ بەشداری پارتی دیموکراتی کوردستان.
112 جار خوێندراوهتهوه