لە سەردانەکەی رەجەب تەیب ئەردۆغان، سەرۆککۆماری تورکیا بۆ عێراق، 26 رێککەوتن و لێکتێگەیشتن لەنێوان هەردوولا واژۆکران، رێککەوتنی ئاو یەکێکیانە.
رۆژی دووشەممە، 22ی نیسانی 2024، نووسینگەی رۆژنامەوانی سەرۆکوەزیرانی عێراق سەبارەت بە رێککەوتنی سەرچاوەکانی ئاو کە لە نێوان عێراق و تورکیادا واژۆ کرا، راگەیەندراوێكی بڵاوکردەوە و تێیدا ئاماژەی بە ئامانجی رێککەوتنەکەدا و لە چەند خاڵێک خستیەڕوو، کەبریتین لە:
- پەرەپێدانی لێکتێگەیشتن و هاریکاری لە بواری ئاو لەسەر بنەمای یەکسانی، نیەتی باش و دراوسێیەتی.
- دانانی روانگەیەکی نوێ بۆ جێبەجێکردنی پرۆژەکانی ژێرخان و وەبەرهێنان لە سەرچاوە ئاوییەکان لە عێراق.
گرتنەبەری روانگەیەک بە مەبەستی تەرخانکردنێكی دادوەرانەی ئەو بڕە ئاوەی، کە بە سنوورەکاندا تێدەپەڕێت.
جێگیرکردنی روانگەیەک بۆ بەکارهێنانی هۆشیارانەی ئاو.
- هاریکاری لە پرۆژە هاوبەشەکانی نێوان هەردوولا لە باش بەکارهێنانی ئاوی دیجلە و فورات.
- بانگهێشتکردنی کۆمپانیاکانی تورکیا بۆ هاریکاری لە ژێرخانی پرۆژەکانی ئاودێری وەک دروستکردنی بەنداو و دانانی سیستەمی تایبەت بە گلدانەوەی ئاو، سەرداپۆشینی جۆگە ئاودێرییەکان و دانانی وێستگەی پاککردنەوە و شیرینکردنی ئاو و پرۆژەکانی خاوێنکردنەوەی ئاو.
- جێبەجێکردنی پرۆژەکانی گۆڕینەوەی ئەزموون و بەکارهێنانی تەکنیکی نوێ.
- جێبەجێکردنی رێککەوتنەکە بۆ ماوەی 10 ساڵ دەبێت، دوای کۆتاییهاتنی، هەموو جارێك لە دوای رێککەوتنی هەردوولا بۆ یەک ساڵ درێژ دەکرێتەوە.
50 جار خوێندراوه‌ته‌وه
