پۆلیسی سلێمانی رایگەیاند، تۆمەتبارێکمان دەستگیرکرد، كە لەلایەن نەهێشتنی تاوانی بەغدادەوە لەسەر كەیسی كوشتنی دوو كەس، داواكراوە.
بەگوێرەی راگەیەندراوێكی بەڕێوەبەرایەتی پۆلیسی پارێزگای سلێمانی كە ئەمڕۆ یەكشەممە بڵاوكراوەتەوە، دوای ئەوەی بڕیاری دەستگیركردنی تۆمەتبارێك لەسەر دۆسیەی كوشتنی دوو كەس لە نەهێشتنی تاوانی بەغدادەوە گەیشتە بەڕێوەبەرایەتی پۆلیسی پارێزگای سلێمانی.
هاوکات دەستبەجێ هێزەكانی پۆلیس لێكۆڵینەوەكانیان دەستپێكردو سەرەنجام توانرا تۆمەتبار بدۆزرێتەوەو لەلایەن مەفرەزەكانی بەشی پۆلیسی نەهێشتنی تاوانی سلێمانی بەهەماهەنگی لەگەڵ دەزگای ئاسایشی هەرێم دەستگیربكرێت.
هەروەها تۆمەتبارەكە ناوی (ب، ك، ع) بەناسنامە عەرەبە، لەئێستادا بەبڕیاری دادوەر و بەپێی ماددەی 406 لەیاسای سزادانی عیراقی، راگیراوەو دوای تەواوكردنی رێكارە یاساییەكان، ڕەوانەی شوێنی داواكراو دەكرێتەوە.
80 جار خوێندراوه‌ته‌وه
