نێچیرڤان بارزانی، سەرۆکی هەرێمی کوردستان ئەمڕۆ گەیشتە کۆشکی سەلام لە بەغدا و، لەگەڵ لەتیف رەشید، سەرۆککۆماری عێراق کۆبووەوە.
بەگوێرەی زانیارییەکان، ئەمڕۆ نێچیرڤان بارزانی 20 کۆبوونەوەی لەگەڵ زۆربەی سەرکردە سیاسی و سەربازییەکانی شیعە و سوننە لە بەغدا دەبێت.
هاوکات کۆمەڵێک بابەتی هاوبەشی نێوان هەولێر و بەغدا، لەوانە، پرسی بودجە و مووچە، هێرشەکەی سەر کێڵگەی گازی کۆرمۆر، بابەتی هەڵبژاردنی پەرلەمانی کوردستان، پرسی هەناردەکردنەوەی نەوتی هەرێمی کوردستان لە ئەجێندای سەردانەکەی سەرۆکی هەرێمی کوردستاندان.
لەمانگی نیساندا ئەمە دووەم سەردانی سەرۆکی هەرێمی کوردستانە بۆ بەغدا، رۆژی 6نیسانی 2024، بۆ جاری یەکەم بەشداری لە کۆبوونەوەی هاوپەیمانیی بەڕێوەبردنی دەوڵەتدا کرد.
74 جار خوێندراوه‌ته‌وه
